2015 جىلعى 27 مامىر,الماتى قالاسى
«ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىمنىڭ قىزمەت تۇرلەرىن جۇزەگە اسىرۋ قاعيدالارىن, سونداي-اق يەلەنەتىن (يەلەنگەن) كۇماندى جانە ءۇمىتسىز اكتيۆتەرگە قويىلاتىن تالاپتاردى بەكىتۋ تۋرالى» قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 24 قىركۇيەكتەگى № 179 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. «ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىمنىڭ قىزمەت تۇرلەرىن جۇزەگە اسىرۋ قاعيدالارىن, سونداي-اق يەلەنەتىن (يەلەنگەن) كۇماندى جانە ءۇمىتسىز اكتيۆتەرگە قويىلاتىن تالاپتاردى بەكىتۋ تۋرالى» قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 24 قىركۇيەكتەگى № 179 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9866 تىركەلگەن, 2014 جىلعى 24 قاراشادا قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە, 2014 جىلعى 10 جەلتوقساندا «زاڭ گازەتى» گازەتىنىڭ № 186 (2580) جاريالانعان) مىناداي وزگەرىستەر ەنگىزىلسىن:
1-قوسىمشا وسى قاۋلىعا 1-قوسىمشاعا سايكەس رەداكتسيادا جازىلسىن;
2-قوسىمشا وسى قاۋلىعا 2-قوسىمشاعا سايكەس رەداكتسيادا جازىلسىن.
2. قارجىلىق تۇراقتىلىق جانە تاۋەكەلدەردى باسقارۋ دەپارتامەنتى (تۋتۋشكين ۆ.ا.) زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن.
5. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
ۇلتتىق بانك توراعاسى ق.كەلىمبەتوۆ.
قازاقستان رەسپۋبليكاسىنىڭ ۇلتتىق بانكى باسقارماسىنىڭ 2015 جىلعى 27 مامىرداعى № 87 قاۋلىسىنا 1-قوسىمشا
قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 24 قىركۇيەكتەگى № 179 قاۋلىسىنا 1-قوسىمشا
ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان
ۇيىمنىڭ قىزمەت تۇرلەرىن جۇزەگە اسىرۋ قاعيدالارى
1. وسى ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىمنىڭ قىزمەت تۇرلەرىن جۇزەگە اسىرۋ قاعيدالارى (بۇدان ءارى - قاعيدالار) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا (بۇدان ءارى - زاڭ) سايكەس ازىرلەندى جانە ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىمنىڭ (بۇدان ءارى - ۇيىم) زاڭنىڭ 5-1-بابىنىڭ 2-تارماعىندا كوزدەلگەن قىزمەت تۇرلەرىن جۇزەگە اسىرۋ ءتارتىبىن بەلگىلەيدى.
2. قاعيدالاردىڭ ماقساتى ءۇشىن مىناداي ۇعىمدار پايدالانىلادى:
1) بالانستىق قۇنى - نەگىزگى بورىشتىڭ, ەسەپتەلگەن سىياقىنىڭ, تۇراقسىزدىق ايىبىنىڭ (ايىپپۇلدىڭ, ءوسىمپۇلدىڭ), سىيلىقاقىنىڭ نەمەسە حالىقارالىق قارجىلىق ەسەپتىلىك ستاندارتتارىنا سايكەس قالىپتاستىرىلعان پروۆيزيالاردى (رەزەرۆتەردى) ەسكەرە وتىرىپ ديسكونتتىڭ جيىنتىق قۇنى;
2) بانك - قارىزدار بويىنشا قالىپتاستىرىلعان رەزەرۆتەردى ەسەپتەمەگەندە نەگىزگى بورىشى جانە (نەمەسە) ەسەپتەلگەن سىياقىسى بويىنشا كۇنتىزبەلىك توقسان كۇننەن اسقان مەرزىمى وتكەن بەرەشەگى بار قارىزداردىڭ نەسيە پورتفەلىندەگى (قالىپتاستىرىلعان رەزەرۆتەردى ەسكەرمەي ەسەپتەلگەن) كولەمى 10 (ون) پايىزدان اساتىن ەكىنشى دەڭگەيدەگى بانك;
3) كۇماندى جانە ءۇمىتسىز اكتيۆتەر - قارىزدار يەلەنەتىن (يەلەنگەن) كۇماندى جانە ءۇمىتسىز اكتيۆتەرگە قويىلاتىن تالاپتاردىڭ 3-تارماعىندا بەلگىلەنگەن كريتەريلەرگە سايكەس كەلگەن جاعدايدا, ولار بويىنشا قالىپتاستىرىلعان رەزەرۆتەردى ەسەپتەمەگەندە نەگىزگى بورىشى جانە (نەمەسە) ەسەپتەلگەن سىياقىسى بويىنشا كۇنتىزبەلىك توقسان كۇننەن اساتىن مەرزىمى وتكەن بەرەشەگى بار قارىزدار بويىنشا تالاپ ەتۋ قۇقىعى;
4) نەگىزدەلگەن قارجىلاندىرۋ - ۇيىمنىڭ بانككە بانكتىك سالىم شارتىنىڭ بانكتىڭ بالانستىق قۇنى بويىنشا باعالاناتىن, 6 (التى) ايدان اسپايتىن كەلەسى كۇنتىزبەلىك اي ىشىندە بانكتىك سالىمنىڭ مولشەرىمەن كەم ەمەس كولەمدەگى كۇماندى جانە ءۇمىتسىز اكتيۆتەرىنىڭ كولەمىن تومەندەتۋ جونىندەگى مىندەتتەمەسى كوزدەلەتىن تالاپتارىمەن بانكتە اقشا ورنالاستىرۋ تۇرىندەگى قارجى رەسۋرستارىن بەرۋ;
5) شارت - ءمانى بانكتىڭ كۇماندى جانە ءۇمىتسىز اكتيۆتەرىن ۇيىمنىڭ يەلەنۋى بولىپ تابىلاتىن ۇيىم مەن بانك اراسىندا جاسالاتىن شارت.
3. ۇيىم ساتىپ الاتىن كۇماندى جانە ءۇمىتسىز اكتيۆتەردىڭ قۇنى مىناداي تاسىلدەردىڭ بىرىمەن ايقىندالادى:
1) م ۇلىكتى (زياتكەرلىك مەنشىك وبەكتىلەرىن, ماتەريالدىق ەمەس اكتيۆتەردىڭ قۇنىن قوسپاعاندا) باعالاۋ, سونداي-اق زياتكەرلىك مەنشىكتى, ماتەريالدىق ەمەس اكتيۆتەردىڭ قۇنىن باعالاۋ جونىندەگى قىزمەتتى جۇزەگە اسىرۋعا ليتسەنزياسى جانە باعالاۋ قىزمەتى نارىعىندا كەمىندە 5 (بەس) جىل جۇمىس تاجىريبەسى بار تاۋەلسىز باعالاۋ كومپانياسى (بۇدان ءارى - تاۋەلسىز باعالاۋ كومپانياسى) ايقىندايتىن كۇماندى جانە ءۇمىتسىز اكتيۆتەردىڭ قۇنى بويىنشا;
2) تاۋەلسىز باعالاۋ كومپانياسى ديسكونتتى قولدانا وتىرىپ ايقىندايتىن كۇماندى جانە سەنىمسىز اكتيۆتەردىڭ قۇنى بويىنشا;
3) شارت جاساۋ كۇنگى بالانستىق قۇن بويىنشا;
4) ديسكونتتى قولدانا وتىرىپ شارت جاساۋ كۇنگى بالانستىق قۇن بويىنشا.
ۇيىم ساتىپ الىناتىن كۇماندى جانە ءۇمىتسىز اكتيۆتىڭ قۇنىن ايقىنداۋ ءتاسىلىن دەربەس تاڭدايدى.
4. ۇيىم ساتىپ العان كۇماندى جانە ءۇمىتسىز اكتيۆتەردى بىرمەزگىلدە ساتۋ, ونىڭ ىشىندە تولەمدى كەيىنگە قالدىرۋ تالاپتارىمەن ساتۋ جاعدايلارىن قوسپاعاندا, ساتىپ الىناتىن كۇماندى جانە ءۇمىتسىز اكتيۆتەردى قامتاماسىز ەتۋ قۇرامىندا ونەركاسىپتىك م ۇلىكتىك كەشەندەر كەپىلى, جابدىق جانە تەحنولوگيالىق جەلىلەر, اياقتالماعان قۇرىلىس وبەكتىلەرى بار بولعان جاعدايدا تاۋەلسىز باعالاۋ كومپانياسىنا جانە وعان قولدانىلاتىن باعالاۋ راسىمدەرىنە تۇگەندەۋ جانە/نەمەسە ينسپەكتسيا جانە/نەمەسە تەحنيكالىق اۋديت جانە/نەمەسە تەحنولوگيالىق ساراپتاما بويىنشا ءىس-شارالاردى قوسا العاندا, كەپىل زاتتارىن كەشەندى زەرتتەۋ بويىنشا تالاپتار ۇسىنىلادى.
كۇماندى جانە ءۇمىتسىز اكتيۆتەردى باعالاۋ ءۇشىن تارتىلاتىن تاۋەلسىز باعالاۋ كومپانيالارىنىڭ تىزبەسىن ۇيىم بانكپەن كەلىسىم بويىنشا, قاعيدالاردىڭ 3-تارماعى 1) تارماقشاسىنىڭ تالاپتارىن ساقتاۋ شارتىمەن ايقىندايدى.
تاۋەلسىز باعالاۋ جۇرگىزۋ شىعىستارىن قارجىلاندىرۋ ۇيىم مەن بانكتىڭ كەلىسىمى بويىنشا ايقىندالادى.
بانك نەمەسە ۇيىم كۇماندى جانە ءۇمىتسىز اكتيۆتەرگە جۇرگىزىلگەن تاۋەلسىز باعالاۋدىڭ ناتيجەلەرىمەن كەلىسپەگەن جاعدايدا, تاۋەلسىز باعالاۋ كومپانيالارى قولداناتىن راسىمدەردىڭ جانە ولاردىڭ باعالاۋ ستاندارتتارىنا سايكەس كەلۋ ءاۋديتىن جۇرگىزۋ ءۇشىن اۋديتورلىق كومپانيانى تارتۋعا جول بەرىلەدى. اۋديتورلىق كومپانيانى تارتۋ شىعىستارى جۇرگىزىلگەن تاۋەلسىز باعالاۋ ناتيجەلەرىمەن كەلىسپەگەن تاراپتىڭ ەسەبىنەن جۇزەگە اسىرىلادى.
ەگەر ۇيىم شىعىستارىنىڭ ەسەبىنەن جۇرگىزىلگەن تاۋەلسىز باعالاۋ ناتيجەلەرى بويىنشا ۇيىم ۇيىمنىڭ ساتىپ الۋى ءۇشىن بانك ۇسىنعان كۇماندى جانە ءۇمىتسىز اكتيۆتەردىڭ ساتىپ الىناتىن كۇماندى جانە ءۇمىتسىز اكتيۆتەرگە قويىلاتىن تالاپتاردىڭ كريتەريلەرىنە سايكەس كەلمەۋىن انىقتاسا, بانك وسى باعالاۋدى جۇرگىزۋ بويىنشا شىعىستاردى وتەيدى.
5. كۇماندى جانە ءۇمىتسىز اكتيۆتىڭ قۇنىنا ديسكونتتى ۇيىمنىڭ كۇماندى جانە سەنىمسىز اكتيۆتەردى يەلەنۋگە, ۇستاپ تۇرۋعا جانە كەيىننەن وتكىزۋگە بايلانىستى تاۋەكەلدەرى مەن شىعىستارىن ەسەپتەۋگە ارنالعان ۇيىمنىڭ ىشكى نورماتيۆتىك قۇجاتتارىندا كوزدەلگەن تارتىپپەن ۇيىم دەربەس ايقىندايدى.
6. كۇماندى جانە ءۇمىتسىز اكتيۆتەردى ساتىپ الۋ كەزىندە, ەگەر كۇماندى جانە ءۇمىتسىز اكتيۆتەردىڭ بانك ۇسىنعان قۇنى كۇماندى جانە ءۇمىتسىز اكتيۆتەردىڭ ۇيىم ۇسىنعان قۇنىنان جوعارى بولسا, وندا ۇيىمنىڭ تالاپ ەتۋى بويىنشا كۇماندى جانە ءۇمىتسىز اكتيۆتەردىڭ قۇنىن تومەندەتۋدەن بولۋى ىقتيمال شىعىستاردى بانك, ونىڭ اكتسيونەرى ء(ىرى قاتىسۋشىسى نەمەسە بانك حولدينگى) نەمەسە ءۇشىنشى تۇلعا ۇيىم ءۇشىن شىعارىلعان كەپىلدىكتى نەمەسە وپتسيوندى ورىنداۋ جولىمەن وتەيدى.
ۇيىمنىڭ تالاپ ەتۋى بويىنشا كەپىلدىكتى نەمەسە وپتسيوندى ورىنداۋدى قامتاماسىز ەتۋ ءۇشىن بانك نە ونىڭ اكتسيونەرى ء(ىرى قاتىسۋشىسى نەمەسە بانك حولدينگى) كۇماندى جانە ءۇمىتسىز اكتيۆتەردىڭ قۇنىن تومەندەتۋدەن بولۋى ىقتيمال شىعىستاردىڭ سوماسىنا ءوتىمدى اكتيۆتەردى كەپىلگە ۇسىنادى.
كەپىلدىكتى نەمەسە وپتسيوندى ورىنداۋدى قامتاماسىز ەتۋ قاجەتتىلىگى, سونداي-اق كەپىلگە ۇسىنىلاتىن ءوتىمدى اكتيۆتەردىڭ تىزبەسى كۇماندى جانە ءۇمىتسىز اكتيۆتەردى ۇسىنعان بانك پەن ۇيىم اراسىنداعى شارتتىڭ تالاپتارىمەن ايقىندالادى.
7. ۇيىم ساتىپ العان كۇماندى جانە ءۇمىتسىز اكتيۆتەردى بىرمەزگىلدە ساتۋ كەزىندە ساتىپ الۋشىعا (ينۆەستورعا) تولەم جاساۋدى كەيىنگە قالدىرۋ ۇسىنىلعان جاعدايدا ساتىپ الۋشىنىڭ (ينۆەستوردىڭ) اقى تولەۋ جونىندەگى مىندەتتەمەلەرى ۇيىم كۇماندى جانە ءۇمىتسىز اكتيۆتەرىن ساتىپ العان بانك اكتسيونەرىنىڭ نەمەسە ءۇشىنشى تۇلعانىڭ ءوتىمدى كەپىلمەن قامتاماسىز ەتۋدى ۇسىنۋى ارقىلى قامتاماسىز ەتىلەدى.
8. بانكتەردەن ۇيىم ساتىپ العان كۇماندى جانە ءۇمىتسىز اكتيۆتەردى باسقارۋ مىناداي تاسىلدەردىڭ بىرىمەن جۇزەگە اسىرادى:
1) ۇيىم دەربەس تۇردە;
2) كۇماندى جانە ءۇمىتسىز اكتيۆتەرىن ۇيىم ساتىپ العان بانكتەر;
3) وزگە دە قارجى ۇيىمدار, كاسىبي ساراپشىلار جانە حالىقارالىق اۋديتورلار مەن اۋديتورلىق ۇيىمدار.
9. بانكتىك سالىم شارتىنىڭ تالاپتارىندا ۇيىمنىڭ بانكتىك سالىمدى ءىشىنارا (بالانستىق قۇنى بويىنشا باعالاناتىن كۇماندى جانە ءۇمىتسىز اكتيۆتەردىڭ تومەندەتىلمەگەن كولەمى مولشەرىندە) نە بانك ول نەگىزدەلگەن قارجىلاندىرۋ شەڭبەرىندە قابىلداعان مىندەتتەمەلەردى ورىنداعان جاعدايدا تولىق مولشەردە مەرزىمىنەن بۇرىن قايتارۋ قۇقىعى كوزدەلەدى.
10. ۇيىم مەن تيىسىنشە كۇماندى جانە ءۇمىتسىز اكتيۆتەردى بەرەتىن جانە قابىلدايتىن بانك اراسىنداعى سەنىمگەرلىكپەن باسقارۋ شارتىندا ساتىپ الىنعان كۇماندى جانە ءۇمىتسىز اكتيۆتەردىڭ قۇنىن قالپىنا كەلتىرۋدەن (تومەندەتۋدەن) تۇسكەن (بولعان) كىرىستەردى (شىعىستاردى) بانك پەن ۇيىمنىڭ اراسىندا ءبولۋ ءتارتىبى قامتىلادى.
11. ۇيىم توقسان سايىن ەسەپتى ايدان كەيىنگى ايدىڭ 15 (ون بەسىنەن) كەشىكتىرمەي قازاقستان رەسپۋبليكاسىنىڭ ۇلتتىق بانكىنە ءوزىنىڭ قىزمەتى تۋرالى اقپاراتتى (ۇيىمنىڭ كۇماندى جانە ءۇمىتسىز اكتيۆتەردى باعالاۋ, ساتىپ الۋ جانە بانكتەرمەن جۇمىس جونىندەگى قىزمەتىنىڭ اعىمداعى جاعدايىن كورسەتە وتىرىپ) ۇسىنادى.
قازاقستان رەسپۋبليكاسىنىڭ ۇلتتىق بانكى باسقارماسىنىڭ 2015 جىلعى 27 مامىرداعى № 87 قاۋلىسىنا
2-قوسىمشا
قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 24 قىركۇيەكتەگى № 179 قاۋلىسىنا
2-قوسىمشا
يەلەنەتىن (يەلەنگەن) كۇماندى جانە ءۇمىتسىز اكتيۆتەرگە قويىلاتىن تالاپتار
1. وسى يەلەنەتىن (يەلەنگەن) كۇماندى جانە ءۇمىتسىز اكتيۆتەرگە قويىلاتىن تالاپتار (بۇدان ءارى - تالاپتار) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا سايكەس ازىرلەندى جانە ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان ۇيىمنىڭ (بۇدان ءارى - ۇيىم) يەلەنەتىن (يەلەنگەن) كۇماندى جانە ءۇمىتسىز اكتيۆتەرىنە قويىلاتىن تالاپتاردى بەلگىلەيدى.
2. تالاپتاردىڭ ماقساتتارى ءۇشىن مىناداي ۇعىمدار پايدالانىلادى:
1) بانك - نەسيە پورتفەلىندە قارىزدار بويىنشا 10 (ون) پايىزدان استام قالىپتاستىرىلعان رەزەرۆتەردى ەسەپتەمەگەندە, نەگىزگى بورىش جانە (نەمەسە) ەسەپتەلگەن سىياقى بويىنشا كۇنتىزبەلىك توقسان كۇننەن استان مەرزىمى وتكەن بەرەشەگىمەن قارىزداردىڭ كولەمى بار (قالىپتاستىرىلعان رەزەرۆتەردى ەسكەرۋسىز ەسەپتەلگەن) ەكىنشى دەڭگەيدەگى بانك;
2) كۇماندى جانە ءۇمىتسىز اكتيۆتەر - قارىزدار تالاپتاردىڭ 3-تارماعىندا بەلگىلەنگەن كريتەريلەرگە سايكەس كەلۋ تالابىمەن, ولار بويىنشا قالىپتاستىرىلعان رەزەرۆتەردى ەسەپتەمەگەندە نەگىزگى بورىش جانە (نەمەسە) ەسەپتەلگەن سىياقى بويىنشا كۇنتىزبەلىك توقسان كۇننەن استام مەرزىمى وتكەن بەرەشەگى بار قارىزدار بويىنشا تالاپ ەتۋ قۇقىعى;
3) قارىز الۋشىلار توبى - وسى توپتا قارىز الۋشى زاڭدى تۇلعالاردىڭ بىرمەزگىلدە اكتسيونەرلەرى نەمەسە قاتىسۋشىلارى نە قوسا قارىز الۋشىلارى, كەپىل بەرۋشىلەرى, كەپىلگەرلەرى بولىپ تابىلاتىن, ءبىر كرەديتتىك جەلى شەڭبەرىندە بەرىلگەن قارىزدار بويىنشا قارىز الۋشى زاڭدى تۇلعالار توبى;
4) قازاقستان رەسپۋبليكاسىنىڭ تاۋەلسىز رەيتينگى - قازاقستان رەسپۋبليكاسىنا Standard & Poor’s, Fitch Ratings, Moody’s Investors Service حالىقارالىق رەيتينگتىك اگەنتتىكتەر بەرگەن رەيتينگتەر;
5) شارت - ۇيىم مەن بانك اراسىندا جاسالاتىن شارت, ۇيىم بانكتىڭ كۇماندى جانە ءۇمىتسىز اكتيۆتەرىن يەلەنۋى ونىڭ نىسانى بولىپ تابىلادى.
3. ۇيىم قارىزدار بويىنشا تالاپ ەتۋ قۇقىعىن وسىنداي قارىزدار بىرمەزگىلدە مىنا بارلىق كريتەريلەرگە سايكەس كەلگەندە يەلەنەدى:
1) نەگىزگى بورىش جانە (نەمەسە) ەسەپتەلگەن سىياقى بويىنشا كۇنتىزبەلىك توقسان كۇننەن استام مەرزىمى وتكەن بەرەشەگى بار قارىزدار (ونىڭ ىشىندە ءبىر كرەديتتىك جەلى شەڭبەرىندە قارىز الۋشىلار توبىنا بەرىلگەن);
2) مەملەكەتتىڭ قاتىسۋى بار زاڭدى تۇلعالاردى قوسپاعاندا, زاڭدى تۇلعالار – قازاقستان رەسپۋبليكاسىنىڭ رەزيدەنتتەرى جانە (نەمەسە) قارىز الۋشىلار توبى قارىزدار بويىنشا قارىز الۋشىلار بولىپ تابىلادى;
3) تالاپتاردىڭ 4-تارماعىنىڭ 2) جانە 3) تارماقشالارىندا كورسەتىلگەن كەپىل تۇرلەرىن قوسپاعاندا, كەپىلمەن, ونىڭ ىشىندە قازاقستان رەسپۋبليكاسىنىڭ رەزيدەنتتەرى – ەميتەنتتەر شىعارعان جانە «قازاقستان قور بيرجاسى» اكتسيونەرلىك قوعامىنىڭ رەسمي تىزىمىنە ەنگىزىلگەن, سونداي-اق قازاقستان رەسپۋبليكاسىنىڭ تاۋەلسىز رەيتينگىنە سايكەس كەلەتىن نەمەسە ودان اساتىن كرەديتتىك رەيتينگى بار قازاقستان رەسپۋبليكاسىنىڭ بەيرەزيدەنتتەرى – ەميتەنتتەر شىعارعان باعالى قاعازدارمەن قامتاماسىز ەتىلگەن قارىزدار;
4) شارتتى جاساۋ كۇنىندەگى نەگىزگى بورىش سوماسىن, ەسەپتەلگەن سىياقىنى, تۇراقسىزدىق ايىبىن (ايىپپۇلدى, ءوسىمپۇلدى) قوسا العاندا, بەرەشەكتىڭ قالدىعى 60 (الپىس) جانە ودان كوپ ميلليون تەڭگەنى نەمەسە شەتەل ۆاليۋتاسىندا بالاما سومانى قۇرايدى;
5) قارىز الۋشىنىڭ (كەپىل بەرۋشىنىڭ) قىزمەتىنىڭ نەگىزگى ءتۇرى:
اۋىل, ورمان جانە بالىق شارۋاشىلىعىنا;
ءبىلىم بەرۋگە;
دەنساۋلىق ساقتاۋ جانە الەۋمەتتىك قىزمەتتەرگە;
سۋمەن قامتۋعا, كارىز جۇيەلەرىنە, قالدىقتاردى جيناۋ جانە ءبولۋدى باقىلاۋعا;
قارجى جانە ساقتاندىرۋ قىزمەتىنە;
كاسىبي, عىلىمي جانە تەحنيكالىق قىزمەتكە;
اكىمشىلىك جانە قوسالقى قىزمەت كورسەتۋ سالاسىنداعى قىزمەتكە;
قىزمەتتىڭ باسقا تۇرلەرىن ۇسىنۋعا;
بۇرىنعى اۋماقتىق ۇيىمدار مەن ورگاندار قىزمەتىنە;
مەملەكەتتىك باسقارۋعا جانە قورعانىسقا, مىندەتتى الەۋمەتتىك قامسىزداندىرۋعا;
ءۇي قىزمەتشىسىن جالدايتىن ءۇي شارۋاشىلىقتارى جانە ءوزى تۇتىنۋ ءۇشىن تاۋارلار مەن قىزمەتتەردى شىعاراتىن قىزمەتكە جاتپايدى.
4. ۇيىم:
1) قارىز الۋشىعا (كەپىل بەرۋشىگە) قاتىستى ىرىكتەۋ, وڭالتۋ نەمەسە بانكروتتىق راسىمدەرى جۇرگىزىلگەن;
2) قازاقستان رەسپۋبليكاسىنىڭ تاۋەلسىز رەيتينگىنە سايكەس كەلەتىن نەمەسە ودان اساتىن كرەديتتىك رەيتينگى بار قازاقستان رەسپۋبليكاسىنىڭ بەيرەزيدەنتتەرى – ەميتەنتتەر شىعارعان باعالى قاعازداردى قوسپاعاندا, قازاقستان رەسپۋبليكاسىنىڭ شەگىنەن تىس جەردەگى, ال ۇيىم يەلەنگەن كۇماندى جانە ءۇمىتسىز اكتيۆتەردى ساتىپ الۋشىعا (ينۆەستورعا), ونىڭ ىشىندە تولەمدى كەيىنگە قالدىرۋ تالاپتارىمەن, - تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اۋماقتارىنان تىس م ۇلىك جانە م ۇلىكتىك قۇقىق, نە قازاقستان رەسپۋبليكاسىنىڭ قولدانىستاعى زاڭناماسىنا سايكەس ازاماتتىق اينالىمدا شەكتەلگەن م ۇلىك كەپىل ءمانى بولىپ تابىلعان;
3) قارىز بويىنشا جالعىز كەپىل ءمانى:
اياقتالماعان قۇرىلىس وبەكتىلەرى;
جىلجىمايتىن تۇرعىن ءۇي;
كومپيۋتەر جابدىعى جانە تەحنيكا;
ارنايى تەحنيكا;
اينالىمداعى تاۋارلار;
بولاشاقتا تۇسەتىن م ۇلىك;
جيھاز;
جەر قويناۋىن پايدالانۋ قۇقىعى;
اۆتورلىق قۇقىق;
ليتسەنزيالار;
پاتەنتتەر;
تالاپ ەتۋ قۇقىعى;
جەردى پايدالانۋ قۇقىعى;
جالداۋ قۇقىعى;
تاۋار بەلگىسىنە ارنالعان قۇقىق;
ءۇشىنشى تۇلعالاردىڭ كەپىلدىكتەرى مەن كەپىلگەرلىكتەرى بولعان جاعدايلاردى قوسپاعاندا, بانكتەردەن قارىزدار بويىنشا تالاپ ەتۋ قۇقىعىن يەلەنەدى.
5. قامتاماسىز ەتۋدىڭ جالپى كەپىلدىك قۇنىنداعى كەپىلدىڭ جەكەلەگەن ءمانى قۇنىنىڭ ۇلەسىنە قويىلاتىن تالاپتاردى بەلگىلەيتىن ءتارتىپ ۇيىمنىڭ ىشكى نورماتيۆتىك قۇجاتتارىندا كوزدەلەدى.
6. تالاپتاردىڭ 3-تارماعىنىڭ 4) جانە 5) تارماقشالارىنىڭ, 4-تارماعىنىڭ 1) جانە 3) تارماقشالارىنىڭ, 5-تارماعىنىڭ ەرەجەلەرى ۇيىم يەلەنگەن كۇماندى جانە ءۇمىتسىز اكتيۆتەردى ساتىپ الۋشىعا (ينۆەستورعا), ونىڭ ىشىندە تولەمدى كەيىنگە قالدىرۋ تالاپتارىمەن بىرمەزگىلدە ساتۋ جاعدايلارىنا قولدانىلمايدى.
قاۋلى قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلعى 10 شىلدەدە № 11643 بولىپ ەنگىزىلدى.